Josef y David naziunei
Doi jëuni de Gherdëina pra i Campiunac Taliani de schach a scioh a Montesilvano. L se trata de Josef Demetz y David Dejori.
De ndut àl fat pea belau 800 jugadëures da uni region dla Talia, che ie unii spartii su te dodesc categuries aldò l'età. L turnoi fova per duc i mutons y duta la mutans nchin ai 16 ani che se à cualificà dal campiunat provinziel. Chëst ann àl fat pea doi jugadëures dla Lia Schach Gherdëina: Josef Demetz tla Under 10m che à fat pea l prim iede pra i Campiunac Taliani, à arjont doi ponc de 9. David Dejori dla Under 16 che à fat pea per l terzo iede ie ruvà a cin' sun 9 ponc y ie nsci unì auzà tla segona categuria naziunela. L turnoi à durà n'ena, uni di iel unì jugà una o doi partides. La Lia Schach de Südtirol à metù a despusizion Josko Mukic coche alenadëur dl Südtirol. Cun ël pudova i partezipanc analisé la partides jughedes tl turnoi.