Lia Schach Gherdeina - turnois di jeuni
4th Youth Team Championship a Urtijei
(cp) Ai 01.03.2015 ie stat purta ora a Urtijei te Cesa de Cultura la 4° edizion de chesc turnoi de schach a scuadres ulache l tol pert jugadeures jeuni sota i 16 ani y la se tratova de vencer l trofeo dla Championship cun na scuadra metuda adum da 3 jugadeures . L turnoi ven metu a ji uni ann dal CR Alto Adige y chest´ann n culaurazion cun la Lia Schach Gherdeina. Ndut á teut pert 17 scuadres da nosta provinzia de Bulsan y 1 scuadra de Rovereto. La Lia Schach Gherdeina fova presenta cun 4 scuadres, doves U16 y doves U12. Ala fin dl turnoi ven premiedes la mieura scuadres U16, la mieura scuadres U12, la mieura scuadra dla mutans y l mieur jugadeur. La Championship 2015 ie unida juegheda te 7 turni cun partites da 20 menuc per uni jugadeur tl Schweizer System.
Per nosta Lia Schach Gherdeina, per nosc jugadeures y per duc i jugadeures jeuni che ven do iel stat na bela esperienza a purte ora chesc turnoi da neus n cesa a Urtijei. Truep simpatisanc de chesc sport , truep parenc y cumpanies de nosc jugadeures ie unic a ciale vel partita de schach y a se maie na bona pasta al ragu da marenda o n toch de teurta fat da la lomes de nosc jeuni jugadeures. Da seira á la televijion ladina cunta velch de chesc turnoi. L nteress y la legreza per chesc sport dl schach , che á nce na gran tradizion te nosta valeda ie da pert de la populazion de Gherdeina ben scialdi grant y vif.
La tlasifica finela :
1. The Best Team dl Arci Scacchi de Bulsan 14ponc, 2.Gröden 1 dla Lia Schach Gherdeina cun David Dejori, Matthias y Nadia Kasslatter 12ponc, 3. M1 dl CSK Merania 10 ponc.
10.Gröden 2 cun Niccolò Casadio, Marcel Comploi y Alex Grünberger 6 ponc, 15. Gröden 3 cun Elia Bergmeister, Josef Demetz y Fabian Insam 3 ponc, 17.Gröden 4 cun Petra Bernardi , Sara Insam y Bean Comploi 3 ponc
1. post U12 á fat la scuadra King Krush dl CSK Merania
1. post scuadra metuda adum da me mutans á fat l Rosa Team dl Arci Scacchi de Bulsan
I mieur jugadeures de la Championship 2015 :
1. Seresin Francesco, 2.Seebacher Michael, 3.David Dejori, 4.Kasslatter Matthias, 7.Kasslatter Nadia.
Coche udon á la scuadra Gröden 1 fat l boniscimo segondo post te la categoria U16 de chesc turnoi y ala scuadra Gröden 2 n gran cumpliment per l terzo post te la categoria U12. De gra a duc chei che á juda pea a fat garate tan ben chesc turnoi de la 4th Youth Team Campionship 2015.
Campionat dla Scoles 2015 a Persenon
Ai 17 de merz ie uni metu a ji a Persenon da pert de l CR Alto Adige y l ASV Südtiroler Schachbund l Campionat dla Scoles 2015. A chesc turnoi ven nviedes a to pert duta la scoles elementeres, mesanes y autes de Südtirol. Cun scuadres metudes adum da 4 mutons. La categories fova: scoles elementeres, dala 3° a la 5° tlas, scoles mesanes, scoles autes dala 1° ala 3 tlas y scoles autes 4° y 5° tlas.
Da pert de la scoles de Gherdeina á fat pea la scuadra dla scola elementera Dir. Raionela Urtijei 2 y la scuadra dla scola mesana Dir.Raionela Urtijei 1 cun de dret bon plazamenc tla tlasifica finela. La scuadra dla scola elementera de Urtijei fova metuda adum da Marcel Comploi, Alex Grünberger, Josef Demetz y Sara Insam. Ei á fat l boniscimo 2. post tla tlasifica finela dla scoles elementeres. A inuem dla scola mesana de Urtijei á juega Nadia Kasslatter , Elia Bergmeister, Soto Alvarado Giusseeppe , Bernardi Petra y Fabian Insam fajan l 4.post te tlasifica finela , bravi a duc !
Per na bona pert di mutons che tol pert al Campionat dla Scoles ie chesta stata si prima esperienza de n turnoi de schach ufiziel. Per nosc mutons che á teut pert ie chesta stata na beliscima cossa pudei jueghe a inuem de si scola contra autra scoles dla provinzia de Bulsan .
Tlasifica finela scoles elementeres: 1.SSP Karneid, 2.Dir. Raionala Urtijei 2, 3.SSP Meran Untermais 2
Tlasifica finela scoles mesanes: 1.SSP Meran Untermais 1, 2.SSP Karneid 1, 3.Mühlbach Herz Jesu Inst. 4.post per Dir.Raionala Urtijei 1.
- Details
- Geschrieben von Ruben Bernardi
- Kategorie: Blog
- Zugriffe: 2573
Osteropen Arco (Tn)
07.04. - 12.04.2015
7 Runden Schw. System
Bedenkzeit 90' x 40 +30' + 30''
u.a. mit Ruben Bernardi Rang 7 mit 5 Punkten aus 7 (PRtg 2129)
Ergebnisse und Tabelle zu finden auf der Veranstalterseite
Live-Partien unter www.scacchirandagi.com
- Details
- Geschrieben von Ruben Bernardi
- Kategorie: Blog
- Zugriffe: 3506
Jugadëures dla lia schach Gherdëina pra turnois a Bad Wörishofen y Bulsan
Ntan l’enes passedes ne ie nia me unì jugà l campionat provinziel a scuadres, n valgun jugadëures dla lia à tëut pert pra turnois a Bad Wörishofen y a Bulsan.
Bad Wörishofen: Dal 27.02. ai 07.03 ie unì metù a ji a Bad Wörishofen (D, Allgäu) n turnoi de schach. Te n dut à fat pea
bën 293 jugadëures (Open: 192 jugadëures, turnoi per Senioren: 101 jugadëures) de 18 nazions, danter
chisc 35 jugadëures cun n titul (GM, IM, FM).
Dla lia de Gherdëina fovel Ruben Bernardi a fé pea pra chësc turnoi. Te n dut fovel da jughé nuef partides y ël ie pia via scialdi bën cun na vënta tl prim turno y na remis tl segondo, ulache l à jugà cun l GM Romanishin Oleg dl Ucraina. Te i proscimi set turni iel stat bon de vëncer trëi partides y de fé mo na remis, ruvan nsci a n resultat sterch de 5 sun 9 ponc. Nce sce ël ne ie nia stat bon de nuzé la ucajions ti ultimi doi turni, ie l resultat tres i tres positiv y ël ie scialdi cuntënt de coche ie jit chësc turnoi, conta Ruben. Bel ti savoa che l ova l’ ucajion de jughé tl terzo turno contro l grech GM Halkias Stelios che ie a la fin deventà prim.
Halkias tucova pra i favoric dl turnoi. Dan l ultimo turno fovel sun l segondo post,
ma cun na vënta iel stat bon de se tlasifiché prim cun 7.5 ponc, dan GM Pap Misa (Serbia) y Khenkin Igor (GER), tramedoi cun 7 ponc.
Ruben Bernardi se a tlasificà sun l boniscim 51ejim post y à cun chësc bon resultat davanià 17 ponc ELO.
Bulsan: Nce a Bulsan iel uni metù a jì n turnoi Open, chëst ann oven da festejé n jubiläum cun la bën decima edizion de chësc turnoi.
I jugadëures ie unic spartì su te doi grupes, Open A y Open B, jugan cin partides. Te n dut fovel 80 jugadëures che à fat pea, tra chisc nce trëi dla lia de Gherdëina. Dejori David à jugà tl Open A, se messan musré nsci cun jugadëures scialdi stersc, tra chisc nce n valguni di mieures dl Südtirol. Do cin turni se al tlasificà cun un n pont sun l 38ejim post.
L turnoi à venciù cun 4.5 ponc sun 5 Spornberger Maximilian,
dan De Santis Alessio y Bonagura Stefano, tramedoi cun 4 ponc.
Tl Open B à jugà Demetz Ernst, che ie ruvà sun l 27ejim post cun doi ponc y Christine Perathoner.
Ëila à jugà n turnoi dassen sterch, fajan bën 3.5 ponc sun 5. Tla tlasifica finela iela nsci ruveda sun l boniscim 8. post.
L Open B ie unì venciù da Grudina Marco, dan Unterkofler Alex y Magri Leonardo.
- Details
- Geschrieben von Elisabeth Delago
- Kategorie: Blog
- Zugriffe: 2236
