Dejori David vënc la categoria B pra l turnoi a Kaltern

Turnoi de pasca a Kaltern
Ai 6. de auril ie a Kaltern unì metù a jì l 30. “Kalterer Osterturnier”, che vën nce ratà coche campionat provinziel de Halbblitz.
Te n dut fovel 78 jugadëures a to pert pra chësc turnoi. De chisc fova la majera pert jugadëures de lies de schach de Südtirol, ma l fova nce n valgun jugadëueres da oradeca.
Nce la lia de schach de Gherdëina foa presënta cun n valgun jugadëures. Da auze ora ie i resultc de Dejori David y Kasslatter Matthias.

Cun 5 ½ ponc sun 9 à Dejori David arjont l prim post tla categoria B y ie nsci nuef campion provinziel de Halbblitz Kategorie B.
Tla categoria B à nce jugà Grossi Christian (4 ½ ponc) y Runggaldier Andreas (4 ponc).

Kasslatter Matthias à fat 4 ponc y ie nsci ruva sun l terzo post tla categoria C.
Nce tla categoria C à jugà Grossi Stefano (2 ½ ponc).

L turnoi ie unì venciù da Bertagnolli Alexander cun 7 ½ ponc dan Micheli Carlo y Paltrinieri Nicholas (tramedoi 7 ponc).


Open a Arco

Nce a Arco ie unì metù a jì n turnoi de pasca (07.04. – 12.04). Tlo fovel Ruben Bernardi a fè pea per la lia de Gherdëina.
Ël à fat 5 ponc sun 7, perdan me una sëula partida, chëla cun l IM Bruno Fabio, che à pona ala fin di conc nce venciù l turnoi, dan l IM ungaresc Molnar Bela y l trentin La Manna Andrea.

Ruben Bernardi se à tlassifca sun l 7 post cun na performance de 2.129 ponc Elo, davanian nsci 8 Elo.
Te n dut fovel presenc 49 jugadëures de bën cin nazions