Campiunat Provinziel a scuadres de scioh

(gp) L setimo turno dl campionat de Südtirol a scuadres, dl 7 de fauré ie finà via bën per la prima scuadra dla Lia scioh de Gherdëina, vencian 4-2 contra l J.Richter/Lask BZ na partida oradeca ulache i ani passei se aun for fat dassen ert. Stefan Moroder, Thomas Moroder y Christian Grossi à venciù si partides. David Dejori y Herbert Grossrubatscher a fat n remi.

Resultat a pèr per l Gherdëina II che “me” arjont n 2½-2½ a Ehrenburg. Klaus Knottner à venciù si partita, Franz Prinoth, Johann Grossrubatscher y Richard Moroder a fat na remi. L sarà dassen rie a chesc pont ti jì mo dant al Ehrenburg II per pudei jì su te serie B.

Manco butà ti ala al’incontra al Gherdëina III, perdan per 4-1 contra l J.Richter/Lask BZ II. Da auzé ora ie la venta de Manuel Taschler sun prima mëisa.

neuThomas4Doi enes do, ai 21 de fauré, fova n’autra ria partida sun l calender per la prima scuadra da tlo. A Urtijëi fova aspità l Gries Bulsan che mpué a marueia ie unì batù per 3½-2½. Stefan Moroder à arjont n’autra boniscima prestazion, batan chest iede l nuev campion provinziel ndividuel, Maximilian Spornberger, te na partida dassen cumbatuda. N bon campionat garata ënghe a Thomas Moroder che cun 6,5 ponc su 8 ie l “topscorer” dla serie A. Venciu à mo Matthias Kasslatter si prima partida tla serie plu auta y mez pont à fat Ruben Bernardi.

La prima scuadra dla Lia Scioh Gherdëina ie al mumënt terza, cun 11 ponc canche la prima tlassificheda, l Kaltern/Tramin cun 14 ponc, ie bele matematicamenter campion provinziel y venc l titul per l terzo iede.

For la medema sada à l Gherdëina II venciù per 3½-1½ contra l Arci Scacchi BZ III. Franz Prinoth, Klaus Knottner y Richard Moroder a fat na remi. Manuel Taschler y Überbacher Sebastian a venciù si partita. La segonda scuadra resta segonda te tlassifica dla serie C-ost.

Perdù à l Gherdëina III per ½-4½ contra l Wipptal Schach. Seula a fé mez ponti e stata Elisabeth Delago.

DOL20150226

DOL20150219

Open A

38.Dejori David         1/5       PRtg 1547

Open B

8.Perathoner Christine   3,5/5    PRtg 1824

27.Demetz Ernst            2/5      PRtg 1293

 

neuChristiPerathK

Perathoner Christine, ausgezeichnete 8. im Open B

DOL20150212

Cuinto y sesto di de campionat provinziel a scuadres de schach

Ai 10 de jené iel uni jugà l cuinto turno dl campionat provinziel a scuadres, chësc iede ova duta la scuadres dl Gherdëina da jughé oradecà. La prima scuadra ie furneda a Naturns. Bele danora fovel da se aspité na ancunteda scialdi nteressanta y ria. L Naturns toca pra la scuadres plu stersces y ie dessegur pra chëles che juega per l titul de campion provinziel. A la scuadra de Gherdëina ti ala n chësc di purtruep nia drë butà. Moroder Stephan, Moroder Thomas y Grossi Christian (1., 3. y 5. mëisa) à arjont na remis, l’autra partides ie jites perdudes y nsci à la scuadra dl Naturns venciù bëndebo tler cun 4 ½ a 1 ½ .

neuErnst
  Demetz Ernst, cun 5/6 ponc un
  di jugadëures plu stersc tla serie C

Miec ti iela jita a la scuadra Gherdëina II, che ie furneda a Steinegg. I jugadëures ie stac boni de vëncer chësta ancunteda cun 3:2. I ponc ie unic fac da Prinoth Franz sun prima mëisa, Moroder Richard sun terza y Überbacher Sebastian sun cuarta mëisa. L Gherdëina 2 ie nscí sun l secondo post dla tlassifica, cun me un n pont de manco che la scuadra dl Ehrenburg y mantën nsci la puscibilità de pudëi se cualifiché per la proscima sajon per la serie B. La terza scuadra à jugà contro l Ehrenburg II, una dla scuadres plu stersces tla serie C, y à perdú cun 3:2. I ponc per l Gherdëina ie unic fac da Grossrubatscher Johann, che à venciú si partida y da Taschler Manuel y Kasslatter Matthias, che à tramedoi fat na remis.

L sesto turno à po duta la scuadres inò jugà n cësa. La prima scuadra ova da se musré cun l Arci Scacchi BZ. Moroder Stephan, che à jugà sun prima mëisa à venciú si partida, coche nce Thomas Moroder sun terza mëisa. L’autra cater partides ie unides perdudes y l Arci Scacchi BZ à batú l Gherdëina I cun 4:2. Nsci se abina la prima scuadra al mumënt sun l cuarto post te tlassifica, do l Kaltern, l Bruneck y l Naturns.

La segonda scuadra à jugà contro l Brixen/Milland II y ie stata bona de vëncier chësta ancunteda tler cun 4 ½ a ½. Grossrubatscher Johann à jugà sun prima mëisa y à fat na remis, Knottner Klaus, Moroder Richard, Demetz Ernst y Delago Elisabeth à venciù si partides. Chësta vënta fova mpurtanta per la scuadra, che mantën nsci l segondo post te tlasifica generela, do la scuadra de Ehrenburg.

La terza scuarda à jugà contro l Arci Scacchi BZ III y à purtruep perdú tler cun 0:5.

Bele chësta sada unirà jughà l setimo turno de campionat. La prima y la terza scuadra furnea a Bulsan y juega contro l Richter/Lask   y l Richer/Lask II.
La segonda scuadra furnea a Ehrenburg. L Ehrenburg ie al mumënt prim te tlasifica, y nsci sará chësta na partida decisiva per arjonjer l post per pudëi jughé tla proscima sajon tla serie B.

Grand Prix de schach di jëuni dl Südtirol per la sajon 2014/2015

(CP) Ai 18 de jene 2015 uni metù a jì a St. Pauls/ Eppan I terzo turnoi de schach de la lingia di JGP de Südtirol. N se aspitova n mender turnoi cun na cumpeida de partezipanc nteur ai 50 mutons. Ma la ie unida a sl dé autramenter , davia che ben 80 mutons se é nuta su al turnoi y chesc ti é samben fat scialdi legreza ai organisadëures dla Lia dl Schoch de Eppan. Chesc turnoi ie deventé un di plu biei turnois de chesta sajon sibe per I numer scialdi aut de mutons partezipanc, ma nce per I livel de juech scialdi di jëuni primes tlasifichei che juega enghe pea al campionat provinziel de serie A.

Nosta Lia é chest iede teut pert cun duc si 11 jugadeures jëuni y à arjont dret de biei resultac: Kasslatter Nadia é fat la bedaia de arjent, Comploi Marcel y Insam Sara la bedaies de bront.

Tlasifica finela:


Open A cun 30 jugadeures che tol ite i mutons dai 12 ai 18 ani (U14 y U18):

4. post per Dejori David cun 6 ponc;
5. post per Kasslatter Matthias nce el cun 6 ponc;
13.post per Kasslatter Nadia cun 4 ponc, segonda tla categoria U18 mutans, bedaia de arjent;
24. post per Bergmeister Elia cun 3 ponc;

Open B cun 44 iugadeures che tol ite duc i mutons sota i 12 ani (U12 y UIO):

3. post per Comploi Marcel cun 6 ponc y I terzo post, bedaia de bront;
11. post per Grünberger Alex cun 5 ponc;
19. post per Insam Sara, terza dla mutans U12 cun 5 ponc y bedaia de bront;
21. post per Demetz Josef cun 4 ponc;
26. post per Bernardi Petra cun 4 ponc;
34. post per Comploi Bean cun 3 ponc;
37. post per Fabian nce el cun 3 ponc.

neuMarcel
Marcel Comploi

 

La dumenia ai I de merz 2015 metrà nosta Lia Schach Gherdeina a jì la 4. Youth Team Championship, I campionat a scuadres regionel U16.
Nvion duc a uni a ciale a chesc turnoi te Cësa de Cultura a Urtijëi.